-
Azərbaycanın cənub bölgəsində - Lənkəranda, Masallıda və Astarada aramsız yağışlar nəticəsində bəzi kəndlərdə vəziyyət pisləşib.
AzadlıqRadiosunun əməkdaşı xəbər verir ki, Lənkəranın Şağlaser, Şağlaküçə, Vilvan, Veravul və Kərgəlan kəndlərində bəzi evləri 35-40 sm su basıb.
Masallıda Mahmudavar, Molloba və Qızılavar kəndlərində də vəziyyət eynidir. Bu kəndlərdə də bəzi evləri su basıb.
Bundan başqa, Lerik-Lənkəran yolu təhlükəli vəziyyətə düşüb. Yolun 17-26-cı kilometrliyindətorpaq uçqunları olduğundan nəqliyyatın istifadəsinə fasilələrlə icazə verilir.
Astara şəhərinin özündə isə yağış nəticəsində bəzi yerlərdə gecədən elektrik enerjisi kəsilib.
SU STADİONA ÇATIB
Lənkərançayın daşması nəticəsində yaxınlıqdakı «Xəzər Lənkəran» Mərkəzi Stadionu su altında qalıb.
Klubun mətbuat xidmətinin rəhbəri Hüseyn Cəbrayıloğlu report.az-a açıqlamasında faktiki mühasirədə qaldıqlarını bildirib: «Artıq suyun səviyyəsi 35 sm qalxıb. Sel stadionumuzun inzibati binası qarşısına çatıb və əsas meydançamıza doğru hərəkət edir».
Mətbuat katibinin dediyinə görə, qarşısıalınmaz vəziyyətə çatan sular stadionun inzibati binasının zirzəmisinə daxil olub. O, hazırda bütün qüvvələrini kluba məxsus sənədləri binadan çıxarmağa yönəltdiklərini bildirib.
AzadlıqRadiosunun Mobil Reportyor Rubrikasına internet istifadəçilərimizdən gələn fotolar:
Cənub rayonlarında güclü sel
Sən də rastına çıxan maraqlı hadisələri videoya, fotoya çəkib bizə göndərə bilərsən.
Çəkdiklərini MobilReportyor-a belə çatdır:
- Kompüterdən - Yükləmə səhifəsinə daxil olub oradakı qaydalara əməl etməklə foto və ya videolarını bizə göndər.
- WhatsApp nömrəmiz:
(+420) 778 711 700
Görüntüləri elektron poçtla bura göndər: AzadAvropa.AzadliqRadiosu@gmail.com