Jurnalistləri Müdafiə Komitəsi (The Committee to Protect Journalists - CPJ) ABŞ dövlət katibi John Kerry-yə onun Mərkəzi Asiya respublikalarına səfəri ərəfəsində müraciət edərək onu bu ölkələrdə mətbuat üzərinə hücumları pisləməyə çağırıb.
Bu həftə Qazaxıstan, Qırğızıstan, Tacikistan, Türkmənistan və Özbəkistana səfər edəcək Kerry-yə ünvanlanmış məktubda deyilir ki, Amerika dövlət katibi Mərkəzi Asiya ölkələrinin hökumətlərindən bütün məhbus jurnalistlərin azad olunmasını tələb etməldir.
Məktubda bildirilir ki, bu ölkələrdə mətbuat azadlığı ilə bağlı vəziyyət getdikcə pisləşir.