- Dünya şöhrətli yazıçı Gabriel García Márquez’in arxivləri 21 oktyabrda bütün dünyadan olan tədqiqatçıların üzünə açılıb.
Onun 60 ildən artıq dövrü əhatə edən əlyazmaları, qaralamaları, fotoları, məktubları və başqa şəxsi materialları hazırda Harry Ransom Mərkəzindədir. Bu mərkəz Texas Universitetində yerləşir, orijinal sənədlər üzrə dünyanın ən böyük arxiv mənbələrindən biridir.
Kolleksiyada onun 48 yeşiklik materialı var. Tezliklə onlar elektronlaşdırılacaq. Onun yaradıcılığına təsir göstərmiş Jorge Luis Borges, William Faulkner və James Joyce arxivləri ilə yanaşı nümayiş etdiriləcək.
Marques 2014-cü ilin aprelində, 87 yaşında vəfat etnişdi. 1982-ci ildə Ədəbiyyat üzrə Nobel mükafatı almışdı.
Oxu Zalı
