-
«Bu ilin sonunadək Azərbaycan və Ermənistan prezidentlərinin görüşəcəyinə ümid edirik».
ATƏT-in fəaliyyətdə olan sədrinin şəxsi nümayəndəsi Andrzej Kasprzyk news.am-a belə deyib.
Prezidentlərin bu ilin sentyabrında BMT Baş Assambleyasının sessiyasında görüşəcəyi gözlənilirdi. Ancaq Azərbaycan prezidenti bu sessiyada iştirak etmədiyi üçün görüş baş tutmadı.
Minsk qrupu həmsədrlərinin irəli sürdüyü mümkün yeni təkliflərə toxunan Kasprzyk bütün məsələlərin Madrid prinsipləri çərçivəsində müzakirə edildiyini bildirib.
Oktyabrın 26-da ATƏT-in Minsk qrupu həmsədrlərinin regiona səfəri olacaq.