79 yaşlı Blatterə qarşı rəsmi cinayət işinin açılması ilə əlaqədar FİFA-nın etika komitəsi ona qarşı 90 günlük sanksiyanın tətbiqini tövsiyə edib.
O rəhbərlik etdiyi təşkilat üçün sərfəli olmayan kontraktı imzalamaqda və UEFA rəhbəri Michel Platiniyə qanusuz mükafat ödəməkdə ittiham olunur.
Sepp Blatter bütün ittihamları rədd edir.
Blatterin postunu tutmağa çalışan Platini isə bildirib ki, ona edilmiş ödəniş tamamilə qanuni olub və 9 il əvvəl təşkilat üçün gördüyü işə görə verilib.
Sepp Blatterin vəzifəsindən uzaqlaşdırılması barədə qərar cümə axşamı, yəni artıq bu gün qəbul edilə bilər.