Keçid linkləri

2016, 10 Dekabr, şənbə, Bakı vaxtı 09:15

-

Özbəkistan hökuməti 18 yaşadək uşaq və yeniyetmələrin cümə namazlarına, o cümlədən Qurban bayramı namazına buraxılmasını qadağan edib.

Sentyabrın 23-də Təhsil Nazirliyi valideynləri xəbərdar edib ki, kimin uşağını namaz vaxtları məsciddə görsələr, 750 dollar cərimə olunacaqlar. Bu, ölkədə 15 aylıq orta əməkhaqqına bərabərdir.

İmamlara da tapşırılıb ki, 18 yaşı tamam olmayanları məscidə buraxmasınlar.

Özbəkistan hökuməti islam ekstremizminin ölkə daxilində genişlənməsindən narahatlığını gizlətmir.

«DİN UŞAĞI MƏKTBƏDƏN YAYINDIRMAMALIDIR»

Daşkənddə yerli rəhbərlikdən AzadlıqRadiosuna deyiblər ki, din uşaqların fikrini məktəbdən yayındırmamalıdır. Məmurlar hesab edirlər ki, insanlar dinlə məktəbi qurtarandan sonra da maraqlana bilərlər.

Prezident Islam Karimov avqustun 18-də fərman imzalayıb ki, sentyabrın 24-də ölkədə bayramdır və müsəlmanlar Qurban bayramını qeyd edə bilərlər. Amma bu, uşaqların məscidlərə getməsi ilə bağlı qadağanı aradan qaldırmır.

Bayram Özbəkistanda pambıq yığımı ilə üst-üstə düşüb. Sentyabrın 24-ü qeyri-iş günü olmasına baxmayaraq, tələbələr, dövlət idarələrində çalışanlar, o cümlədən səhiyyə, təhsil işçiləri pambıq yığımına aparılıblar.

Günün bütün mövzuları

Şərhləri göstər

XS
SM
MD
LG