Keçid linkləri

2016, 06 Dekabr, çərşənbə axşamı, Bakı vaxtı 20:34

-

Kiçilən təkcə gələn ilin büdcəsi deyil, cari ildə də proqnoza əməl edilməyəcəyi gözlənir. Maliyyə Nazirliyinin açıqladığı rəqəmlərə görə, cari ildə büdcənin xərcləri proqnoza nisbətən kəsirlə icra olunacaq. Xərclərdə ümumi kəsir 3 milyard 370 milyon manatdır.

Bu ilin büdcəsində funksional istiqamətli xərclər də proqnozdakı kimi olmayacaq və azalma baş verəcək:

Ümumi dövlət xidmətləri – 53.4 milyon manat

Elm xərcləri – 10.5 milyon manat

Dövlət daxili və xarici borclarını ödənilməsi ilə bağlı xərclər – 84.7 milyon manat

Müdafiə - 18.5 milyon manat

Məhkəmə hakimiyyəti, hüquq-mühafizə və prokurorluq - 18.5 milyon manat

Təhsil – 18.5 milyon manat

Səhiyyə - 18.5 milyon manat

Sosial müdafiə və sosial təminat – 18.5 milyon manat

Mədəniyyət, incəsənət, informasiya bədən tərbiyəsi və digər kateqoriyalara aid edilməyən sahədə fəaliyyət – 34.5 milyon manat

Mənzil və kommunal təsərrüfatı – 38.5 milyon manat

Yanacaq və enerji – 0.6 milyon manat

Kənd təsərrüfatı, meşə təsərrüfatı, balıqçılıq, ovçuluq və ətraf mühitin mühafizəsi – 18.5 milyon manat

Sənaye və tikinti xərcləri – 2.693 milyon manat

Dövlət əsaslı vəsait qoyuluşu – 2.690 milyon manat

Nəqliyyat və rabitə xərcləri – 8.3 milyon manat

İqtisadi fəaliyyətlə bağlı digər xərclər – 37.1 milyon manat

Əsas bölmələrə aid edilməyən xidmətlər – 531.1 milyon manat.

İqtisadçı ekspert Azər Mehtiyevin dediyinə görə, 2015-ci il büdcəsinin xərclərində gözlənilən ixtisarlar büdcə gəlirləri üzrə proqnozun kəsirlə icrasından qaynaqlanır:

«Maliyyə Nazirliyinin məlumatından belə aydın olur ki, büdcənin gəlirlərində kəsirlə icrası gözlənilən əsas gəlir mənbələri Dövlət Neft Fondundan büdcəyə transfertlər və mənfəət vergisi üzrədir. Göründüyü kimi, bunlar birbaşa neft gəlirləri ilə bağlıdır. Dünya bazarında neftin qiymətinin il ərzində kəskin aşağı düşməsi səbəbindən ölkəyə çatan mənfəət neftinin satışından Neft Fonduna daxil olan vəsait azalacaq. Bu da büdcəyə transfertlərin azaldılmasını qaçılmaz edir. Neftin qiymətinin düşməsi üzündən Hasilatın Pay Bölgüsü Sazişi üzrə podratçı şirkətlərin də mənfəətinin azalması baş verir ki, bu da bu mənbə üzrə büdcəyə ödənişlərin azalmasına gətirib çıxaracaq. Gəlirlərin azalmasına uyğun olaraq xərclərdə də ixtisarlar aparılır: daha ciddi ixtisara məruz qalan iki xərc bölməsi isə dövlət əsaslı vəsait qoyuluşu və əsas bölmələrə aid edilməyən xərclərdir. 2015-ci ilin büdcə gəlirlərinin real icra səviyyəsinin Maliyyə Nazirliyinin elan etdiyi gözləntilərdən də az olacağını söyləyə bilərik. Xüsusən, mənfəət vergisi və ƏDV üzrə icra səviyyəsinin daha aşağı olması qaçılmazdır».

Günün bütün mövzuları

Şərhləri göstər

XS
SM
MD
LG