Keçid linkləri

logo-print
2016, 03 Dekabr, şənbə, Bakı vaxtı 02:21

- Tural İsmayılov

Şəhərlər adamlaşanda...

Dünyadakı bütün şəhərlərə,

Meqapolislərə və kiçik paytaxtlara

Səslənirəm içimdəki üsyankarlığın

Çılğın qəlpələrilə.

Öldürülən ümidlərin qatilləri

Kişilərin səfalətinin

Qadınların göz yaşlarının

Günahkarı olan şəhərlər.

İçində yaşayır nərlər

İgidlik titulu qazanıb

Fəhləliklə bir qarın çörəyə tabe tutulan ərlər

Arvad döyən

Uşaq söyən

Lazım olanda hətta içib üyüdən

Ərənlikdən meyxoş olan "ərlər".

Sizin qatilinizdir şəhərlər.

Ucuz bar köşələri ,

Pritonlar

Və saatı bəzən bir zəhmətkeşin maaşına

Bərabər olan fahişələr.

Soyuq küçələrdə zingildəyən itlərə

Həmdəm olan bomjlar,

Var dövlət qazanmaq ümidiylə iri şəhərlərə

Kəndlərdən köç edənlər,

Hər səhər günəşin doğmasıyla həyatları ölən

Gecələrin sakinləri

Hamınızın qatilidir şəhərlər.

Göydələnləri ucalığında

Kiçilən ucalıqlar,

Büzüşən ali təhsilli

Paltar satıcıları,

Qıvranan məlun kütlə

Qınanan savadsız tikişçi qadınlar

Sizə göz dikib ağzının suyunu axıdan

Qəddar şəhərlər.

Yetimlərin sonrakı ümid yeri

Küçələrdə saatlarla maşın dayanacaqlarında

Qəpik-quruş gözləyən

Təhsilsizlər də

Ofisiant işləyən təhsillilər də

Sizin qoynunuzda

Son inam üçün

Bütün gün

Sizə sığınır

Sizin keyfiniz istəyəndə isə

Didərgin edirsiniz şəhərlər.

Bağdad qan ağlarkən,

İmperializm asi cocuğu satır

Alverçi Moskvaya...

Qafqaz bədbəxtliyə düçar olanda

Nəhənglər yenə səssiz.

Moskva isə hər gün daha şıltaq

daha kapitalist

daha sələmçi

daha ovçu....

Brüssel demokrat maskası taxıb

Şamı inama mahmızlayıb

Tehranla dirəşməkdə ikən

Hələb, Hums və Qahirə ölən uşaqlarına yas saxlayır..

Amsterdam laxlayır,

Ankara da qərarsız

Təl Əviv kimi.

Susmuş ikən bütün şəhərlər

Əlləri göylərdə qalan

Aclara

Yetimlərə

Savaşda nurunu itirən

Əlillərə

Müharibənin körpələrinə

Afrikanın tifillərinə

Bir göyərçin göndərə bilmir dünya.

Al başına çırp şəhərlərini

İnsanlarını

və yararsız quşlarını

Dünyadan ümid kəsilmişkən

Tanrı da səssiz görünür nədənsə.

Günün bütün mövzuları

XS
SM
MD
LG