►"Cəlal Əliyevin YAP-ın siyahısında olmamasını siyasiləşdirmək lazım deyil. Yaşlı adamdır, onun özü heç istəmir ki, deputat olsun".
Bunu YAP-ın seçki siyahısını şərh edən politoloq Zərdüşt Əlizadə AzadlıqLive-a deyir.
Onun fikrincə, YAP-ın siyahısının da elə bir əhəmiyyəti yoxdur, çünki parlament sözün əsil mənasında parlament deyil, YAP da partiya deyil.
Politoloq deyir ki, YAP-ın ideologiyası da yoxdur.
Bəs nə var? Zərdüşt Əlizadə deyir ki, çox passiv, laqeyd cəmiyyət var.
Yeri gəlmişkən, ola bilərmi ki, Avropa dəyərlərindən uzaqlaşan Azərbaycan Rusiyaya yaxınlaşsın? Politoloq deyir ki, "yaxınlaşmağa heç nə qalmayıb, Rusiyanın özü uçuruma gedir."
Buna da bax: Azərbaycan olimpiadadan imtina elədi
Ya bəlkə İrana yaxınlaşacaq? Zərdüşt Əlizadə deyir ki, İrana yaxınlaşmaq üçün gərək iman olsun, inanc olsun. "Bizdə bu var?". Bəs onda Azərbaycan təkmi qalacaq? Politoloq deyir ki, "niyə tək? Çox ölkə bu gündədir".
