-
Türkiyənin xarici işlər naziri Feridun Sinirlioğlu sentyabrın 15-16-da Azərbaycanda rəsmi səfərdə olacaq.
Məlumatı Türkiyə Xarici İşlər Nazirliyinə istinadən APA yayıb.
Səfər çərçivəsində F.Sinirlioğlu Azərbaycanın xarici işlər naziri Elmar Məmmədyarovla görüşəcək. Görüşdə iki ölkə arasında gündəmə dair məsələlər, regionda və dünyada baş verən hadisələr, Dağlıq Qarabağ münaqişəsi müzakirə olacaq.
Türkiyə XİN başçısının prezident İlham Əliyev və baş nazir Artur Rəsizadə ilə görüşü də nəzərdə tutulur.