Keçid linkləri

2016, 09 Dekabr, Cümə, Bakı vaxtı 00:09

"Avropa Parlamentinin sentyabrın 10-da qəbul etdiyi qətnamə anti-Azərbaycan qüvvələrin ölkəmizə qarşı növbəti təxribatçı addımı, Azərbaycanla Avropa Birliyi arasındakı əlaqələrə ciddi zərbədir. Avropa Parlamentinin bu qərəzli addımı cavabsız qalmayacaq”.

Bunu Azərbaycanın İqtisadiyyat və sənaye naziri, Avropa Birliyi ilə Əməkdaşlıq üzrə Dövlət Komissiyasının sədri Şahin Mustafayev sentyabrın 10-da Avropa Birliyinin Azərbaycandakı nümayəndəliyinin rəhbəri, Malena Mardla görüşdə deyib.

“Qətnamə birtərəfli, tamamilə qərəzli və əsassızdır, heç bir konkret fakta söykənmir. Nədənsə 24 ildir ki, Ermənistan tərəfindən Azərbaycan ərazilərinin işğalı nəticəsində yaranmış qaçqın və məcburi köçkün problemi, 1 milyondan çox insanın ən adi hüquq və azadlıqlarının təmin olunması məsələsi nəzərə alınmayıb, əvəzində Azərbaycana qarşı qondarma ittihamlar irəli sürülüb”-deyə o vurğulayıb.

Malena Mard qətnamə ilə bağlı bu mövqeyi Avropa Komissiyasına çatdıracağını bildirib.

Günün bütün mövzuları

XS
SM
MD
LG