Keçid linkləri

logo-print
2016, 03 Dekabr, şənbə, Bakı vaxtı 18:10

Bakı Apellyasiya Məhkəməsi avqustun 31-də həbsdə olan futbolçu Cavid Hüseynovun şikayətini təmin etməyib.

Bu barədə AzadlıqRadiosuna onun vəkili Adəm Məmmədov məlumat verib.

Səbail rayon məhkəməsi bundan əvvəl Cavid Hüseynov barəsində seçilmiş həbs- qətimkan tədbirinin ev dustaqlığı ilə əvəz olunması barədə müdafiə tərəfinin vəsatətini təmin etməyib.

Apellyasiya şikayəti də həmin qərardan idi.

Vəkil Adəm Məmmədov gələn həftə həbs- qətimkan tədbirinin ev dustaqlığı ilə əvəz olunması ilə bağlı yenidən Səbail rayon məhkəməsinə müraciət edəcəklərini deyir.

Cavid Hüseynov jurnalist Rasim Əliyevin döyülərək öldürülməsinə görə həbs olunub.

Jurnalist avqustun 8-də Bayıl qəsəbəsində bir qrup adam tərəfindən döyülərək çoxsaylı bədən xəsarətləri ilə Kliniki Tibbi Mərkəzə yerləşdirilib və avqustun 9-da orada vəfat edib.

Cavid Hüseynovla yanaşı, jurnalisti döyən 5 nəfər də həbs edilib. Onlardan biri Cavid Hüseynovun bibisi oğlu Elşən İsmayılovdur.

Cavid Hüseynov bibisi oğlu Elşən İsmayılovun təşkilatçılığı ilə ağır cinayətin hazırlanmasını bilərək bu barədə xəbər verməməkdə ittiham olunur.

Günün bütün mövzuları

XS
SM
MD
LG