Keçid linkləri

logo-print
2016, 04 Dekabr, bazar, Bakı vaxtı 08:08

-

«Əlimizə yaxşı şans düşüb. Bundan istifadə etməliyik. Rəqibin hücum xətti çox güclüdür. Fərdi ustalığa malik oyunçuları var. Çalışacağıq ki, bunun qarşısını alaq».

Bunu avqustun 27-də Avropa Liqasının «play-off» mərhələsində keçiriləcək «Young Boys»la (İsveçrə) cavab matçı öncəsi «Qarabağ» komandasının baş məşqçisi Qurban Qurbanov deyib. Məlumatı komandanın rəsmi saytı yayıb.

Qurban Qurbanov matçın keçiriləcəyi T.Bəhramov adına Respublika Stadionunun ot örtüyündən də danışıb: «Hər şey göz önündədir. Bu gün o barədə düşünməsək, daha yaxşı olar. Ot örtüyünün vəziyyəti yaxşı deyil. Ancaq biz buna fikir verməməliyik».

Baş məşqçi səfərdə qazanılan 1:0 hesablı qələbədən sonra Bakıda da qələbə uğrunda mübarizə aparacaqlarını deyib: «Bu, qrup mərhələsində iştirak etmək üçün son şansımızdır. Bunu futbolçular da dərk edir. Bilirik ki, hamı qalib gəlməyimizi istəyir. Amma biz bunu daha çox istəyirik. Avropa Liqasının qrupunda iştirak etmək bizim üçün böyük təcrübə və gələcək planlarımız üçün bir təkandır».

Qurban Qurbanov komandasının hücumlarının daha kəsərli olmasına çalışdıqlarını da deyib.

Komandanın penaltilərə hazır olub-olmaması haqqında isə deyib ki, penaltilər seriyasında futbolçular sərbəst olmalıdır: «Penaltilər lotereya kimidir. Oyuna 2-3 gün qalmış komandanı penaltilərə hazırlaşdırmıram. Bu, futbolçuların fikrini yayındıra bilər. Ancaq ay ərzində hər bir futbolçu ilə penalti üzərində çalışırıq».

Qarşılaşma avqustun 27- saat 21.00-da keçiriləcək. Səfər oyununda «Qarabağ» «Young Boys»a 1:0 hesabı ilə qalib gəlmişdi.

Günün bütün mövzuları

XS
SM
MD
LG