Bu il Rusiyadan 4,5 milyard kubmetr qaz alan Azərbaycan gələn il üçün yalnız 1,5 milyard kubmetr mavi yanacaq ala biləcək. Dövlət Neft Şirkətinin prezidenti Rövnəq Abdullayev jurnalistlərlə söhbətində belə deyib.
Onun sözlərinə görə, qaza olan tələbatın bir hissəsi daxili imkanlar hesabına ödənəcək. Eyni zamanda, hökumət bu yöndə Türkiyə ilə danışıqlar aparılır. Rövnəq Abdullayevin sözlərinə görə, Azərbaycan «Şahdəniz» yatağından çıxarılan qazı qəbul etməyə hazır olmayan Türkiyənin payını almağa hazırlaşır.