Keçid linkləri

2016, 07 Dekabr, çərşənbə, Bakı vaxtı 15:09

-

Azərbaycan hökuməti Britaniyada dövlət hesabına oxuyan tələbələrin təhsil haqqını 10 faiz azaldıb.

Təhsil Nazirliyinin təklifi əsasında verilən qərara görə, təhsil, yaşayış və s. üzrə təqaüd avro ilə deyil, Britaniya funtu ilə ödəniləcək.

Əvvəllər tələbələrə ayda 1750 avro ödənilirdisə, indi bu pul 1100 funta düşüb. Hazırki məzənnə ilə bu, təxminən 1570 avro edir. Yəni tələbələr 180 avro itirirlər.

Dövlət Neft Fondunun məlumatına görə, Böyük Britaniyanın ali məktəblərində 803 nəfər azərbaycanlı tələbə təhsil almaqdadır.

Bu, “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqrami” çərçivəsində həyata keçirilir.

Dövlət Neft Fondunun məlumatına görə, Böyük Britaniyanın ali məktəblərində 803 nəfər azərbaycanlı tələbə təhsil almaqdadır.

2014-cü ildə Təhsil Nazirliyinin sifarişlərinə əsasən ARDNF bu proqramın maliyyələşdirilməsinə 33,5 milyon manat vəsait ayırıb. Pulun 16,5 milyon manatı - yaşayış, 15,2 milyon manatı - təhsil, təqribən 1 milyon manatı - yol, 0,5 milyon manatı - tibbi sığorta, 0,3 milyon manatı - viza, qeydiyyat və digər xərclərin ödənilməsinə yönəldilib.

Ümumilikdə qeyd olunan proqramın maliyyələşdirilməsinə neftdən gələn gəlirlər hesabına 2008-2014-cü illərdə 121,3 milyon manat xərclənib.

Bu ilin əvvəlinə proqram çərçivəsində müxtəlif ölkələrdə təhsil alan tələbələrin sayı 2867-dir. Bu ilin iyul ayının 1-nə proqram çərçivəsində xaricdə təhsili maliyyələşdirilmiş və məzun statusunu almış tələbələrin sayı isə 910 nəfər təşkil edir. Onların 360-ı Britaniyada oxuyub.

Günün bütün mövzuları

Şərhləri göstər

XS
SM
MD
LG