- Kollektiv surətdə
Yazıçılar bir romana illərlə vaxt sərf edirlər. Axmaqdırlar, - bir qrup adam belə düşünür.
Onlar hər il olduğu kimi, bu il də 8 avqustda - şənbə günü 75 dəqiqəyə roman yazmaq üçün bir yerə toplaşacaqlar.
Lap uşaq oyununa oxşayır. Sessiyanın təşkilatçısı elmi fantastika yazıçısı Chris Farnell deyir ki, həmin gün əlli-altmış nəfər görüşəcək.
Toplananlar 45 dəqiqə ərzində süjet xəttini, xarakterləri və strukturu birlikdə düşünüb qərarlaşdıracaqlar, sonrakı yarım saatda isə hərəsi bir fəsli yazacaq.
Daha sonra fəsillər üst-üstə toplanacaq, yüngülvari redaktə ediləcək və pulsuz elektron kitab kimi nəşr olunacaq.
“Əgər sonda başlanğıcı, ortası, sonu olan bir hekayə əldə etsək və bu əldə etdiyimiz hekayəni başdan sona doğru çox hıqqıldamadan oxumaq mümkün olsa, məqsədimizə çatmış sayılırıq.
Amma səmimi desəm, hekayənin alınmasından çox bizim bu sessiyada nə öyrənməyimiz vacibdir."
Sessiya haqda xəbəri dünyanın "The Daily Paris Review", "The Guardian Books" və başqa önəmli ədəbiyyat səhifələri yayıb. "Amma bu romandan "Booker"-in uzun siyahısına düşəcəyini gözləmə" - qəzetlərdən biri xəbəri belə şərh edir.
