Keçid linkləri

2016, 10 Dekabr, şənbə, Bakı vaxtı 01:48

- Seyid Aynur

Yeməli görünür

Uff....

Barmaqlarının ucu

necə də tort üzərinə vurulmuş,

krem-şantiyə qarışdırılmış üzüm kimi

yeməli görünür.

Yavaş –yavaş uzat,

Tələsmədən,

İncə-incə

Salxım-salxım qollarını!

***

Mən, ala-bəzək qızılgül,

Evimin bacasından,

xəyanət girdi,

dəvətsiz, əl-qolunu sallayaraq.

Yuvamız yandı bir səhər,

Sən demə haralardasa,

Sənəd-sünədli həyat yoldaşın varmış...

Göydə tanrının yox,

yerdə məmurun kəsdiyi kəbinlə,

Yaşayırmış səninlə!.

Ha-ha! Nə cürətlisənmiş?!

Nə daş olub donubsan,

Kəndimizdəki dul Məryəm kimi

havalanmışam deyirəm, adam,

Adım da yavaş-yavaş çıxır yadımdan.

başımın üstə də qapqara,

Nəmişlik soxulcanı tək qarnı köpmüş

qara buludlar elə hey fır-fır fırlanır.

Mən, ala-bəzək qızılgül,

Yağışdan qorxan,

Sən yarpaqlarıma toxunandan bəri-

Hərə bir ad qoyur.....

Günün bütün mövzuları

XS
SM
MD
LG