Keçid linkləri

2024, 11 May, şənbə, Bakı vaxtı 04:51

Motosikletçilərin Qarabağa səfəri araşdırılır


«Gecə canavarları»
«Gecə canavarları»

-

Rusiyalı motosikletçilərdən ibarət qrupun Azərbaycanın işğal olunmuş ərazilərinə səfəri ilə bağlı məsələ araşdırılır.

Bu barədə Azərbaycan Xarici İşlər Nazirliyi mətbuat xidmətinin rəhbəri Hikmət Hacıyev açıqlama verib.

Bildirib ki, araşdırma Azərbaycanın Rusiyadakı səfirliyi vasitəsilə aparılır, bu barədə əlavə məlumatın veriləcək.

«Ermənistan və erməni lobbisinin təhriki və təsiri altında işğal olunmuş ərazilərə qanunsuz səfər edərək Azərbaycan xalqına qarşı törədilmiş işğal və qanlı etnik təmizləmənin təşviqinə xidmət edən bu kimi şəxslər daşıdıqları siyasi, hüquqi və mənəvi məsuliyyəti dərk etməlidirlər», - Hikmət Hacıyev deyib.

Mətbuatda «Gecə canavarları» adlı motoqrupun iyulun 31-də Ermənistana, oradan isə Dağlıq Qarabağa yollanacağı barədə məlumat yayılıb.

XS
SM
MD
LG