Bu ilin doqquz ayı ərzində Azərbaycan Rusiyadan üç milyard kubmetrdən artıq qaz alıb. Bu, ötən illə müqayisədə üç faiz azdır. Dövlət Neft Şirkətinin Mətbuat Xidmətindən verilən məlumata görə, noyabr ayında «Qazeksport»dan Azərbaycana verilən qazın həcmi 12 milyon kubmetrə çatacaq. Dekabrda isə bu həcm daha da artacaq.
Qaz idxalında Rusiya Azərbaycanın əsas tərəfdaşlarından biridir. Hazırda gələn il üçün Rusiyadan Azərbaycana qazın hansı həcmdə və neçəyə verilməsiylə bağlı danışıqlar davam edir.