Ən faydalı və kalorili məhsullardan sayılan zeytun uzun müddət Abşeronda yetişdirilsə də, son illər bu məhsulun yığımı xeyli azalıb. Kənd Təsərrüfatı Nazirliyinin meyvə-tərəvəz sektorundan verilən məlumata görə, bu il yığılan məhsul cəmi 984 ton olub. Bu, son iki illə müqayisədə iki dəfə azdır.
Hazırda Azərbaycanda 1525 hektar zeytun bağı var. Bu bağların böyük hissəsi Bakı və Abşeronda, bir hektarı isə Sumqayıtda yerləşir. 1990-cı ildə isə Abşeron və Sumqayıtda 2500 hektar zeytun bağı olub. Ən yüksək məhsuldarlıq isə 1988-ci ildə olub - 1881 ton.