Keçid linkləri

2016, 06 Dekabr, çərşənbə axşamı, Bakı vaxtı 12:39

-

Hollivud ulduzu Ömər Şərif (Mişel Demetri Şalhub) 83 yaşında Qahirədə vəfat edib.

Xəbəri Daily Mail yayıb.

Son vaxtlar ünlü aktyor Alzheimer xəstəliyindən əziyyət çəkirmiş.

Elə bu xəstəlik ucbatından Ömər Şərif 2012-ci ildən bəri sənət karyerasına son vermişdi.

1932-ci ildə doğulan Ömər Şərif 22 yaşından Qahirədə filmlərə çəkilməyə başlamışdı.

1962-ci ildə çəkildiyi “Lawrence of Arabia” film önu şöhrətin zirvəsinə yüksəltmiş, təkcə Hollivudda deyil, Avropada da arzulanan aktyorlardan birinə çevirmişdi.

Omar Sharif

Omar Sharif

Bu filmə görə aktyor ”Qızıl Qlobus” və “Oscar” mükafatına layiq görülüb.

“Doctor Zhivago” (Rus sovet şairi Pasternakın məşhur, ancaq Sovetlər Birliyində yasaq sayılan əsərini Hollivud ekranlaşdırmışdı) filmi ona ikinci “Qızıl Qlobus”u qazandırmışdı.

Ünlü aktyor 50-dən çox filmdə oynayıb.

Bunların arasında daha məşhuru “Funny Girl” filmidir.

Talenin ironiyasına bax ki, 2009-cu ildə çəkildiyi bir filmdə Ömər Şərif Alzheymer xəstəliyindən əziyyət çəkən adamı canlandırmışdı.

Ömər Şərif 2003-cü ildə “Kinematoqrafdakı xidmətlərinə görə” Venesiya festivalının “Qızıl şir” fəxri mükafatına da layiq görülmüşdü.

Günün bütün mövzuları

XS
SM
MD
LG