-
Rauf Bədəvinin yazıları kitab oldu
Son illər dünya yazıçıları və jurnalistlərinin müdafiəsinə qalxdığı yazarlar arasında Rauf Bədəvinin (Raif Badawi) adı tez-tez görünür. O, Səudiyyə Ərəbistanından olan bloggerdir
"Free Saudi Liberals" bloqunda siyasət, din, liberalizm haqda fikirlərini bölüşdüyünə görə, 2012-ci ildə min qamçıya, on il həbs cəzasına və 1 milyon Səudiyyə riyalı (1 milyon ABŞ dollarına bərabərdir) məbləğində cərimə cəzalarına məhkum edilib.
Həmin ildən həbsdə olan Rauf Bədəviyə fikirlərini ifadə etdiyinə görə, 50 qamçı Əl-Disçafali məscidinin qarşısındakı meydanda artıq vurulub.
Şəriət qanunlarıyla idarə olunan avtoritar İslam ölkəsində o, söz azadlığı, insan və vətəndaş hüquqları, tolerantlıq, dövlətlə dinin ayrılma zərurəti kimi mövzularda yazılar yazıb.
"Greystone Books" nəşriyyatı bu günlərdə Rauf Bədəvinin yazılarından ibarət kitab nəşr etməkdədir, kitabın 15 avqustda satışa çıxacağı elan edilib.Kitab "1000 qamçı: Çünki mən düşündüyümü deyirəm" adlanır.
