Keçid linkləri

2016, 10 Dekabr, şənbə, Bakı vaxtı 07:18

-

Bu ildən başlayaraq Azərbaycan Milli Elmlər Akademiyasında doktoranturaya qəbul olmaq istəyən şəxslər test üsulu ilə imtahan verəcəklər.

Bu barədə Trend-ə Akademiyadan məlumat verilib.

Bildirilib ki, artıq bununla bağlı qərar qəbul olunub. Hazırda imtahanların test üsulu ilə keçirilməsi üçün hazırlıq işləri aparılır. İlk test imtahanlarının payızda keçirilməsi planlaşdırılır. İmtahan suallarının da AMEA tərəfindən hazırlanacağı gözlənilir. İmtahanın formatının necə olacağı isə hələ müəyyənləşdirilməyib.

AMEA bu ildən doktoranturaya qəbul üçün qoyulan tələbləri artırıb. Bu ildən namizədlər ingilis dili biliklərinin qiymətləndirilməsi üçün TOEFL proqramı üzrə ən azı 80 bal və ya IELTS proqramı üzrə ən azı 6.5 bal, doktorluq imtahanları zamanı isə iddiaçı TOEFL proqramı üzrə ən azı 100 bal və ya IELTS proqramı üzrə ən azı 7 bal toplaması barədə sertifikat təqdim etməlidir.

Hazırda doktoranturaya qəbul olmaq istəyənlər ixtisas fənnindən, xarici dildən və fəlsəfədən imtahan verirlər.

Günün bütün mövzuları

XS
SM
MD
LG