-
İyunun 15-də «Bakı-2015» I Avropa Oyunlarında idman gimnastikası üzrə yarışlarda ilk mükafatçılar müəyyənləşib.
Milli Gimnastika Arenasındakı yarışların 2-ci günündə kişi komandaların mübarizəsinə yekun vurulub.
apa-nın məlumatına görə, 26 komandanın mübarizəyə başladığı yarışda heyətində Oleg Stepko, Petro Paknyuk və Eldar Səfərovun çıxış etdiyi Azərbaycan millisi Avropa Oyunlarının bürünc mükafatçısı olub.
6 hərəkətin cəmində 174.195 xal qazanan yığma yalnız Rusiya (178.963) və Ukraynadan (177.429) geri qalıb.
Bu, Azərbaycan yığmasının Oyunlarda 15-ci medalıdır. Bunadək komanda 7 qızıl, 2 gümüş və 5 bürünc mükafata yiyələnib.