Keçid linkləri

logo-print
2016, 03 Dekabr, şənbə, Bakı vaxtı 09:11

-

"Ev yiyəsinə ballada" şeiri

Langston Hughes (1902–1967) Amerikan proletar şairi, romançısı, aktivisti və publisisti olub.

Onun “Ev yiyəsinə ballada” şeiri "Tenant-Art"-a (kirayənişinin yaratdığı sənət) ilham verib.

Kirayənişin olmaq - bu müvəqqətilik, keçicilik, getməklə qalmaq arası, "hər şey sənindir, amma heç nə sənin deyil" - sənət üçün yaxşı mövzu verir. Azərbaycanda da həmin problemi yaşayan çoxdur.

Amma bu şeirdəki konkretlik Azərbaycan ədəbiyyatı üçün demək olar ki, yaddır.

Şeirlərdə arxasında predmet dayanan sözlərə (ev sahibi) yox, arxasında predmet dayanmayan mücərrəd sözlərə üstünlük verilir. Odur ki, aşağıdakı kimi konkret səhnələr yaradan şeirlər xüsusilə maraq doğurur.

Ev yiyəsi, ay ev yiyəsi,

damımız damır.


yadınızda deyilmi demişdim sizə

keçən həftə?

Ev yiyəsi, ay ev yiyəsi,

bu pillələr sınıb tökülür

Gələn dəfə özünüz çıxanda

yıxılıla bilərsiniz.

Dediniz on dollar borcluyam sizə?

On dollar?

Verən deyiləm

bu evi düzəltməsəniz.

Necə? Çıxaracaqsız məni burdan?

İstiliyi kəsəcəksiz?

Mebelimi aparıb

Küçəyə atacaqsız?

Pah! Çox yuxarıdan danışırsız, çox da iddialı

Danışın, danışın,

bura gələndə göstərərəm

Ağzınızı da aça bilməyəcəksiz

yumruğumu qoysam

Polis! Polis!

Gəlin tutun bu adamı!

O, hökuməti yıxmağa

Ölkəni çevirməyə çalışır!

Fıştırıq!

Miqalka!

Həbs.

Polis idarəsi

Dəmir kamera

Qəzetlərdə xəbərlər:

Kişi ev sahibini hədələdi

İcarədar girov qoya bilmədi

Hakim zəncini 90 günlük içəri göndərdi.

Günün bütün mövzuları

XS
SM
MD
LG