Keçid linkləri

2016, 07 Dekabr, çərşənbə, Bakı vaxtı 16:43

-

Tovuzun Koxa Nəbi kəndi susuz qalıb. Kənd sakinləri Azadlıq Radiosunun “Qaynar xətti”nə şikayət edirlər ki, kəndə su verilmədiyindən bu yay kəndçilərin əkin sahələri külə dönüb. Əkin sahələri bir tərəfə, heç həyətlərə də su verilmir. Şikayətçilərdən biri Ənvər Talıbov bu mövsüm əkin sahəsindən məhsul toplaya bilmədiyini deyir:

“ÖZLƏRİ İSTİFADƏ ETDİLƏR, BİZ SUSUZ QALDIQ”

“Kəndin yuxarısında su kanalı var, onun suyundan da icra hakimiyyətinin, bələdiyyənin, su idarəsinin işçiləri özləri üçün istifadə etdilər, biz istifadə edə bilmədik. Su ora yığılır, ordan da axıntı çayına axır, ayın bir həftəsini, on gününü də bizə buraxmırlar ki, biz də bağ-bağatımızda, əkin sahələrimizdə istifadə edək. Torpaqla dolanan adamlarıq. Bütün əkin sahələrimiz, ağaclarımız yandı. Kəndin aşağı hissəsindən də 300-500 metr aralıdan axıntı çayı axır, ancaq bu çayın da bizə faydası yoxdur, biz o çaydan vedrələrlə su daşıyıb istifadə edə bilərik, ancaq istifadə edə bilmirik”.

YALANÇI VƏDLƏR ƏKİN SAHƏLƏRİNİ QURUTDU

Kəndli deyir ki, kənd camaatı dəfələrlə yığılıb su idarəsindən, kənd icra nümayəndəliyindən xahiş edib ki, suyu buraxsınlar:

“Dedilər bu həftə olar, gələn həftə olar, yalançı vədlər verdilər, mənim əkin sahəm də yandı, yonca əkmişdim”.

Tovuz rayon İcra Hakimiyyəti isə razılaşmır. İcra hakimiyyətindən bildiriblər ki, uzun müddət yağış yağmadığı üçün kəndin yaxınlığındakı göl quruyub. Kəndin susuz qalmasının əsas səbəbi də budur.

İcra hakimiyyətində əkin sahələrinin yanmasını "təbiətin ərköyünlüyü" ilə əlaqələndirirlər. Ancaq ümidini yonca əkib çörəkpulu qazanacağına bağlayan kəndlilər deyirlər ki, rəsmi şəxslər təbiəti qınamasınlar. Gözünü buludlara dikib yağış gözləməkdənsə, kəndin su problemini daha sivil qaydalarla həll etsinlər. Məsələn, kəndə su xətləri çəksinlər ki, camaat sudan geninə-boluna istifadə etsin.

Siz də şikayətinizi buradan göndərə bilərsiz

ƏLAQƏ ÜÇÜN

nömrəmiz (+420) 778 711 700

Çəkdiklərinizi, eləcə də şikaylətlərinizi bizə WhatsApp-dan başqa,

XS
SM
MD
LG