Keçid linkləri

logo-print
2016, 03 Dekabr, şənbə, Bakı vaxtı 00:22

«Ər və arvad» ingilis dilində titrlərlə göstəriləcək


«Ər və arvad» 45-ci dəfə nümayiş olunacaq.

«Ər və arvad» 45-ci dəfə nümayiş olunacaq.

-

İyunun 13-də saat 1-da Dövlət Musiqili Teatrında Üzeyir Hacıbəylinin «Ər və arvad» musiqili komediyası 45-ci dəfə nümayiş olunacaq.

Teatrın mətbuat xidmətindən AzadlıqRadiosuna verilən xəbərə görə, tamaşanın budəfəki nümayişinin özəlliklərindən biri də ingilis dilində tərcümə sətirlər – qaçan titrlər vasitəsilə tamaşaçılara təqdim olunmasıdır.

Xəbərdə vurğulanır ki, I Avropa Oyunları ilə bağlı Azərbaycana gələcək qonaqlara daha yüksəkkeyfiyyətli mədəni xidmət göstərmək üçün Mədəniyyət və Turizm Nazirliyinin xüsusi dəstəyi ilə teatrın repertuarındakı bir sıra əsərlər ingilis dilinə tərcümə olunub.

Musiqili Teatrın iyun repertuarı I Avropa Oyunları ilə əlaqədar xüsusi təşkil olunub və tamaşalar əsasən ingilis və rus dillərində təqdim olunacaq.

«Ər və arvad» tamaşasının quruluşçu-rejissoru Yusif Əkbərov, quruluşçu-dirijoru Nazim Hacıəlibəyov, quruluşçu-rəssamı Eldar Qurbanov, quruluşçu-baletmeysterləri Yelena və Zakir Ağayevlərdir.

Əsəri bəstəkar Sərdar Fərəcov yenidən redaktə edib və orkestrləşdirib.

Tamaşada rolları İlham Namiq Kamal, Nahidə Orucova, Ələkbər Əliyev, Əkbər Əlizadə, Emma Məlikova, Əliməmməd Novruzov, Ruslan Mürsəlov, Gülcahan Salamova, Ağaxan Şərifov və Fərid Rzayev ifa edəcəklər.

Günün bütün mövzuları

XS
SM
MD
LG