-
Bakıda avtomobilləri yandıran şəxs tutulub.
Məlumatı apa yayıb.
Bildirilir ki, Qaraçuxurda 20-dək avtomobili yandırmaqda şübhəli bilinən, 1979-cu il təvəllüdlü Səfər Mahmudov saxlanılıb.
Məlumata görə, S.Mahmudovun kriminal aləmlə yaxın əlaqələri var. O, bu aləmdə «Dəli Səfər» ləqəbi ilə tanınır.
Qaraçuxur qəsəbəsində sonuncu dəfə 4 avtomobil iyunun 5-də yandırılmışdı.
Bu barədə AzadlıqRadiosuna sakinlər məlumat vermişdi. Bildirmişdilər ki, Suraxanı rayonunda əvvəllər də belə hadisələr olub və onlar sonuncu olaydan polisə şikayət ediblər.