Keçid linkləri

logo-print
2016, 03 Dekabr, şənbə, Bakı vaxtı 13:47

-

Gülüstan adlı qəsəbə salırlar. Ancaq...

Yazıçı Şərif Ağ yeni roman yazıb. Torpağını itirib geniş və isti çöllüklərə səpələnən insanları toplayıb Gülüstan adlı qəsəbə salırlar və həmin insanlara cənnət vəd edirlər. Ancaq hadisələrin gedişi bu mühitin cənnət yox, əslində cəhənnəm olduğunu göstərir.

Adəm və Həvva əhvalatı ilə mətnlərarası əlaqə üzərində qurulan süjet Adil (ləqəbi Adəm) adlı gənc müəllimin qəsəbəyə gəlməsi ilə başlayır və qəsəbə insanlarının tanıdılması ilə davam edərək, aşağı təbəqə insanlarının gülüstan vədi altında həyata keçirilən istibdada silahlı etirazı ilə yekunlaşır.

Roman bəzi real hadisələrdən təsirlənsə də daha çox xəyal məhsuludur və eyni məmləkəti bölüşən insanların biri-birinə zülm eləməsinə etiraz motivləri üzərində yazılıb.

Əlindən verdiyi xoşbəxtliyi göylərdə axtaran qəhrəmanın elmi-dini-fəlsəfi düşüncə səyahətləri və onun uğursuz sevgi əhvalatı da əsərin əsas hissələrindəndir.

Roman bu ilin sonuna tam hazır olacaq. Yazıçı bu romanı 40 yaşına hədiyyə etdiyini deyib.

Bundan əvvəl Şərif Ağın "Kərpickəsən kişinin dastanı", "Haramı" kimi uğurlu nəsr kitabları çap olunub.

Oxu zalı

Günün bütün mövzuları

XS
SM
MD
LG