Keçid linkləri

2024, 29 Mart, Cümə, Bakı vaxtı 03:37

ABŞ:"Kremlə qarşı strategiya sərtləşməlidir!"


Ashton Carter
Ashton Carter

-

ABŞ müdafiə naziri Ashton Carter iyunun 5-də Avropadakı ABŞ səfirlərinin və yüksək komandanlıq təmsilçilərinin iştirakı ilə keçirilən toplantıda Rusiyanın təcavüzkar davranışına cavab olaraq atılası zəruri addımlardan danışıb.

Onun dediyinə görə, Şərqi Avropa ölkələri ilə birgə hərbi təlimlərin sayı artırılmalıdır, ABŞ onların ordusunun peşəkar hazırlığına daha yaxından yardım etməlidir. Bundan başqa, NATO üzvü olan ölkələr arasında kəşfiyyat məlumatlarının daha fəal mübadiləsi aparılmalıdır.

Nazir bildirib ki, Rusiya şirkətlərinə və vətəndaşlarına qarşı sanksiyalar hələlik Kremli öz strategiyasını dəyişməyə məcbur etməyib. Buna görə də, Rusiyanın başqa ölkələri dağıtmaq üçün Ukraynada sınaqdan çıxardığı cəhdlərinin qabaqlamaq üçün uzunmüddətli müqavimət strategiyasına ehtiyac var.

Nazir brifinqdə deyib ki, indiki məqamda Putin kursu dəyişmədiyi üçün başqa yola əl atılmalıdır. O, Rusiyanın Ukraynaya qarşı kombinasiyasını dağıdıcı fəaliyyət adlandırıb:

«Bu taktika başqa ölkələrdə də istifadə edilə bilərmi və bizi narahat edirmi? Sözsüz. Bu, bütün NATO üzvü ölkələrini narahat edir».

Avropada ABŞ komandanlığının Ştutqartda yerləşən qərargahında keçirilən toplantıda Amerika müttəfiqlərinin təhlükəsizliyinin təminatı yönündə müxtəlif yollar müzakirə edilsə də, Ashton Carter-in dediyinə görə, qəti qərar qəbul edilməyib.

XS
SM
MD
LG