Keçid linkləri

2016, 05 Dekabr, Bazar ertəsi, Bakı vaxtı 06:35

Vavilon, Indigo, TajikTeleCom və Megafon internet provayderlərinin müştəriləri həmin saytlara girə bilmədiklərini deyiblər

-

Mayın 28-də Tacikistanda AzadlıqRadiosunun tacik və rus dillərində olan saytları, YouTube və bir sıra Rus sosial şəbəkə saytlarına giriş mümkün olmayıb.

Vavilon, Indigo, TajikTeleCom və Megafon internet provayderlərinin müştəriləri həmin saytlara girə bilmədiklərini deyiblər.

Tacikistan İnternet Xidməti Provayderləri Assosiasiyasının sədri Asomuddin Atoev AzadlıqRadiosuna deyib ki, saytlara giriş Dövlət Kommunikasiya Xidmətinin şifahi əmrinə əsasən məhdudlaşdırılıb. Onun sözlərinə görə, səbəb tacik polis zabitinin İslam Dövləti ekstremist qruplaşmasına qoşulması barədə yazılanlardır.

Rəsmilər isə İnternetə girişin bağlanmasına aidiyyatları olmadıqlarını bildiriblər.

Polis polkovniki Gulmurod Halimov mayın 27-də YouTube-da yaydığı videoda deyib ki, İD-ə Tacikistanda din azadlığına rəsmi qadağalara etiraz olaraq qoşulub.

Günün bütün mövzuları

XS
SM
MD
LG