-
Ali məktəblərə qəbul zamanı I ixtisas qrupunda müsabiqəyə buraxılma şərtləri dəyişdirilən ixtisaslar açıqlanıb.
Tələbə Qəbulu üzrə Dövlət Komissiyası (TQDK) Təhsil Nazirliyinin təklifini nəzərə alaraq 2015/2016-cı tədris ilində I ixtisas qrupunda 6 ixtisas üzrə ümumi balı müvafiq baldan aşağı olmayan abituriyentlərin müsabiqəyə buraxılması barədə qərar qəbul edib.
Bu il geologiya ixtisası üzrə müsabiqədə iştirak üçün tələb olunan minimal bal 300, kompüter elmləri üzrə 300, elektronika, telekommunikasıya və radiotexnika mühəndisliyi üzrə 250, informasiya texnologiyaları və sistemləri mühəndisliyi üzrə 250, inşaat mühəndisliyi üzrə 250, nəqliyyat tikintisi mühəndisliyi üzrə 250 bal olacaq.