Keçid linkləri

2016, 07 Dekabr, çərşənbə, Bakı vaxtı 02:08

Rusiya və Almaniyaya qarşı vuruşmuş azərbaycanlı komandir barədə film çəkilir


Vəlibəy Yadigarov (1897-1971)

Vəlibəy Yadigarov (1897-1971)

-

I Dünya müharibəsində iştirak edən, 1918-ci ilin sentyabrından Milli Orduda korpus komandirinin yanında eskadron komandiri olan Vəlibəy Yadigarov haqqında sənədli film çəkilir. Azərbaycan və Polşa hərb tarixində xüsusi izi olan Vəlibəy Yadigarov haqqında sənədli filmin çəkilişləri üç ölkədə aparılır.

Filmin rejissoru Tahir Əliyevin verdiyi məlumata görə, sənədli filmin çəkilişləri Gürcüstanda və Polşada artıq yekunlaşıb. İyun-iyul aylarında Azərbaycanda da çəkilişlər bitdikdən sonra film tamaşaçıların ixtiyarına veriləcək.

T.Əliyev bildirir ki, Varşava çəkilişlərində Azərbaycanın Polşadakı səfiri Həsən Həsənov da yaxından iştirak edib. Rejissor H.Həsənovun filmin ideya müəlliflərindən biri olduğunu vurğulayıb.

Sənədli film Mədəniyyət və Turizm Nazirliyinin sifarişi ilə, «Səlnamə» kinostudiyası tərəfindən lentə alınır. Filmin ssenari müəllifi Ramil Ələkbərov, prodüseri Məhsim Məhsimovdur.

Vəlibəy Yadigarov 1918-ci ilin sentyabrından Milli Orduda korpus komandiri yanında eskadron komandiri olub. XI Ordu Bakıya basqın edəndə, üçüncü Şəki süvari alayının pərakəndə dəstəsilə vuruşa-vuruşa Gürcüstan ərazisinə çəkilib.1921-ci ilin martınadək bolşeviklərə qarşı vuruşmuş və həmin il əvvəlcə Türkiyəyə, sonra Polşaya mühacirətə gedib. Polşada «Armiya krayova» - xalq ordusunda əməliyyat şöbəsində süvari rəisi və 10-cu süvari atıcılar əlahiddə diviziyasının komandiri olub.

Vəlibəy Yadigarov Polşaya hücum etmiş hitlerçi qəsbkarlara qarşı 1939-cu il 11 sentyabrda təşkil olunan müdafiə kampaniyasında iştirak edib, Mazowietski süvari briqadasının qərargah rəisi olub. Polşanın işğalından sonra «Armiya krayova»nın (AK) tərkibinə daxil olan «Olen» polkunun komandiri kimi Varşava üsyanında iştirak edib. Müharibədən sonra Vəlibəy Yadigarov Argentinaya mühacirət edib.1971-ci il dekabrın 13-də Buenos-Ayresdə vəfat edib. 2000-ci ildə nəşi Polşaya gətirilib və təkrar dəfn edilib.

Günün bütün mövzuları

XS
SM
MD
LG