Sənəddə Gürcüstan 99-cu, Ermənistan isə 93-ci yeri tutur. Ötən illərlə müqayisədə Gürcüstanda korrupsiyanın səviyyəsi aşağı düşsə də, Ermənistanda bir neçə pillə artıb.
Təşkilatın bundan əvvəlki hesabatında Azərbaycan 159 ölkə arasında 137-ci yerdə idi. Prezident Aparatı Hüquq-Mühafizə Orqanları ilə İş Şöbəsinin müdiri Fuad Ələsgərov sənədin hökumət tərəfindən müsbət qarşılandığını deyir. Amma o, hesab edir ki, son iki ildə korrupsiyaya qarşı mübarizədə görülən işlər də hesabata daxil edilsəydi, Azərbaycan daha yüksək yerlərə qalxa bilərdi.
Cənab Ələsgərov ötən hesabatla müqayisədə Azərbaycanın reytinqinin daha 11 pillə qalxdığını bildirsə də, «Şəffaflıq Azərbaycan» Təşkilatının icraçı direktoru Rəna Səfərəliyeva deyir ki, ötən sənəddə 159 ölkə arasında korrupsiya indeksi açıqlanmışdısa, bu il həmin ölkələrin siyahısına daha dörd dövlətin adı daxil edildiyindən, Azərbaycan bu siyahıda 11 deyil, üç pillə irəliləyib.