-
1. BUSTA RHYMES
Məşhur Amerika repçisi Busta Rhymes İslamı 2007-ci ildə qəbul edib.
Rhymes deyir ki, İslam onun ruhunu qidalandırmaqla yanaşı həm də gerçəklikdən qopmasına imkan vermir.
Amma müğənni bir il sonra buraxdığı "Ərəb pulları" albomu ilə xeyli müsəlmanı qəzəbləndirmişdi. Albomdakı eyniadlı mahnıda Yaxın Şərq zənginlərinin bitib-tükənməyən sərvətlərindən bəhs edilir. Bəziləri bunu ərəblər barədə stereotip yaratmaq cəhdi kimi anlamışdılar.
2. JERMAİNE JACKSON
Müğənni, gitaraçı və bəstəkar Jermaine Jackson pop kralı Michael Jackson-un qardaşıdır. Jermaine İslamı 1989-cu ildə - Bəhreynə səfər etdikdən sonra qəbul edib.
Bundan sonra o, Həlimə Rəşid adlı əfqan qadınla ailə qurmuş və "xristianlığın cavablandıra bilmədiyi sualların cavabını İslamda tapdığını" demişdi.
3. ICE CUBE
Məşhur repçi İslama ötən əsrin 90-cı illərində - karyerasının başlanğıcında tapınıb.
Deyir ki, "o, elə təbiətən müsəlmandır. Çünki bir özüdür, bir də Allahı".
4. YUSUF İSLAM
Əsl adı Steven Demetre Georgiou-dur, səhnəyə Cat Stevens kimi gəlib. 1977-ci ildə İslamı qəbul edib. Bundan sonra səhnədə az-az görünüb. Son illər yenidən oxumağa başlayıb.
5. SNOOP DOGG
Qalmaqallı repçi İslamı 2009-cu ildə qəbul edib. Hətta Amerikadakı İslam icmalarına iyanə də verib.
Amma çox keçməmiş onun Rastafari Hərəkatına qoşulduğu məlum olub (hərəkat xristianlıq və başqa dini təlimlər əsasında 40 il qabaq yaradılıb)
