Noyabrın 8-i və 9-u İqtisadi İnkişaf Nazirliyi və İslam İnkişaf Bankının dəstəyi ilə Bakıda Beynəlxalq İnvestisiya Konfransı keçiriləcək. Konfransda Azərbaycana investisiya yatırmaq istəyən dövlətlərdən 150-ə yaxın iş adamının iştirakı gözlənilir. Onlar əsasən energetika, sənaye, maliyyə və bank sektoru, kənd təsərrüfatı, nəqliyyat, turizm, rabitə və informasiya texnologiyaları sahələrini təmsil edir. Konfrans çərçivəsində Azərbaycanda istehsal olunan mallar və xidmətlər sərgisi də təşkil olunacaq.