Marquez-in 60 min dollarlıq romanı oğurlandı

-

Məşhur Kolumbiya yazıçısı Gabriel Garcia Marquez-in imzaladığı roman oğurlanıb.

Söhbət yazıçının 1967-ci ildə çap edilən "100 ilin tənhalığı" romanından gedir.

O zaman Marqez hələ elə də tanınmırdı və kitab ilk olaraq 8 min tirajla çap edilmişdi.

Oğurluq hadisəsi Kolumbiyanın paytaxtı Boqotada baş verib - Beynəlxalq Kitab Yarmarkasında.

Kitab ayrıca otaqda sərgilənirdi.

Kitabın sahibi Alvaro Castillo nadir kitabların satıcısıdır. O deyir ki, kitabın indiki dəyəri 60 min dollar olsa da, bu əslində onun üçün qiymətsiz bir əşya idi.

Marquez kitabı belə imzalamışdı: "Qədimi kitab taciri Alvaro Castillo-ya. Köhnə, həmişəlik dostu Qabodan".

Polis hazırda kitab yarmarkasındakı nəzarət kameralarının çəkdiklərini nəzərdən keçirir.