-
Aprelin 29-da ilk Avropa Oyunlarının məşəli Naxçıvandan sonra Lənkərana gətirilib.
Lənkəran Beynəlxalq Hava Limanında estafet iştirakçılarını rayon rəhbərliyi, idmançılar, gənclər qarşılayıblar.
Yürüş iştirakçıları Göyşaban kəndindəki istirahət mərkəzində, Lənkərandakı «Mayak» abidə-kompleksində, Haftonu qəsəbəsindəki çay plantasiyasında olublar.
12 idmançı Lənkərandakı Bayraq Meydanından başlanacaq məşəl yürüşünü Heydər Əliyev prospekti boyunca 4.8 kilometr məsafədə davam etdirəcək.
Axşam saat 8-də isə Lənkərandakı Heydər Əliyev parkında məşəlinin qəbul edilməsi ilə bağlı Alov festivalı keçiriləcək. Festivalda musiqi kollektivlərinin konserti olacaq.
Bakı-2015 ilk Avropa Oyunlarının məşəli 48 günlük səyahəti zamanı 15 şəhər və rayondan keçəcək.