«Azadlıq» qəzetinin 29 iyun 2006-cı il tarixli sayında Təhminə adlı jurnalistin imzası ilə dərc olunan «Mirzə Sakitə çox çirkin oyunlar qurulub» sərlövhəli yazıda təhqirlərə yol verildiyini bildirən Daxili İşlər Nazirliyinin Narkotiklərlə Mübarizə Baş İdarəsinin rəisi Həzi Aslanov Səbayel Rayon Məhkəməsində Zərdüşt Əlizadə və «Azadlıq» qəzetinə qarşı şərəf, ləyaqət və işgüzar nüfuzun müdafiəsinə dair iddia qaldırmışdı. Səbail Rayon Məhkəməsi 9 avqust 2006-cı il tarixdə «Azadlıq» qəzetinin və Zərdüşt Əlizadənin hər birindən 5.000 yeni manat tutularaq «Ümid Yeri» Xeyriyyə Cəmiyyətinin hesabına köçürülməsilə bağlı qətnamə çıxarmışdı.
Cavabdeh Zərdüşt Əlizadə qətnamə ilə razılaşmayaraq, apellyasiya şikayəti vermiş, Səbail Rayon Məhkəməsinin çıxardığı qətnamənin ləğv və iddianın tamamilə rədd edilməsini, habelə cavabdehin məhkəmə işi ilə bağlı bütün xərclərinin, o cümlədən, hüquq xidmətləri üçün çəkdiyi xərclərin iddiaçıdan alınıb cavabdehə ödənilməsi barədə qərar verilməsini xahiş etmişdi.
Zərdüşt Əlizadəni müdafiə edən Media Hüquqları İnstitutunun direktoru Rəşid Hacılı qərardan narazı qaldıqlarını və Apellyasiya Məhkəməsinin qətnaməsindən Ali Məhkəməyə kassasiya şikayəti vekrəcəklərini bildirib.
