Son gün ərzində Ukraynanın şərqində baş verən atışmada 2 Ukrayna əsgəri və 1 rusiyapərəst yaraqlı ölüb.
Ukrayna ordusunun sözçüsü Andriy Lysenko həmçinin 4 Ukrayna əsgərinin yaralandığını bildirir.
Separatçılar isə son gün ərzində 1 döyüşçülərinin öldüyünü, 3-nün isə yaralandığını xəbər verirlər.
Tərəflər atəşkəsin pozulmasına görə günahı bir-birinin üzərinə atırlar.
Ötən ilin aprelindən bu yana Ukraynanın şərqində hökumət qüvvələri ilə rusiyapərəst separatçılar arasında gedən döyüşlərdə 6 mindən çox adam ölüb.