Standartlaşdırma, Metrologiya və Patent üzrə Dövlət Komitəsi Qazax rayonundakı bir sıra uşaq bağçalarında yoxlamalar aparıb.
Bu barədə AzadlıqRadiosuna Komitədən məlumat verilib.
Yoxlamalar rayonun Daşsalahlı kəndi və Azadlıq küçəsindəki 4 bağçada aparılıb.
Yoxlama zamanı həmin bağçalarda qida standartlarının kobud şəkildə pozulması üzə çıxıb. Məlumatda bildirilir ki, adı çəkilən müəssisələrdə qızdırıcı sistemi də standartlara cavab vermir.
6 nömrəli bağçada otaqlar yanğın təhlükəsi yaradan dizel yanacağı ilə qızdırılır.
Digərlərində isə yanacaq kimi istifadə olunan odun uşaqların yataq otağına yığılıb.
Həmin bağçalara nöqsanları aradan qaldırmaq üçün vaxt verilib.