Keçid linkləri

2024, 28 Mart, Cümə axşamı, Bakı vaxtı 16:02

Türkiyədə “Gürz” hərbi çevrilişi üzrə ittiham rədd edildi


General Çetin Doğan.
General Çetin Doğan.

Türkiyədə 2003-cü ildə Recep Tayyip Erdoğanın hökumətini devirmək cəhdində ittiham olunan 236 hərbçinin təkrar məhkəməsində müttəhimlərin işinə xitam verilib.

Bu 236 nəfər 2012-ci ildə “Gürz” çevriliş əməliyyatı üzrə məhkəməsi olmuş 300 nəfərin arasında idi.

Onlar ötən il,Türkiyənin Konstitusuya Məhkəməsi aşağı instansiya məhkəməsinin hökmünü ləğv etdikdən sonra azad edilmişdilər.

Prokuror bildirib ki, onlara qarşı kompüter serverindən toplanmış materiallar təqsirin sübutu kimi qəbul oluna bilməz.

Hüquqşünaslar bidlirirlər ki, sübutların bəziləri saxtalaşdırılıb.

Sözü gedən hərbçilərin məhkəməyə verilməsi 2003-cü ildə Türkiyə Silahlı Qüvvələri komandanı general Çetin Doğanın da iştirak etdiyi təlim manevri keçirilməsi ilə bağlı idi.

O vaxt general Doğan, habelə generallar Özden Örnek və İbrahim Fırtına dövlət çevrilişinə hazırlıq məşqi keçirməkdə təqsirli bilinərək 20 il müddətinə azadlıqdan məhrum edilmişdilər.

XS
SM
MD
LG