Keçid linkləri

2016, 10 Dekabr, şənbə, Bakı vaxtı 21:02

-

Fransa prokurorluğu bəyan edib ki, Alp dağlarına düşən Airbus təyyarəsinin ikinci pilotu qəzanı qəsdən törədib.

Marselin prokuroru Brice Robinin sözlərinə görə, Almaniya vətəndaşı olan 28 yaşlı pilot Andreas Lyubits qəsdən yüksəkliyi azaldıb, eniş edib.

Qəzadan az əvvəl birinci pilot kabini tərk edib, qayıdanda qapını aça bilməyib. Prokuror deyir ki, Lyubits qəza anınadək sağ olub, qara qutudakı yazıda onun nəfəsi eşidilirmiş.

Səs yazısında çoldə qalan pilotun qapını döyəclədiyi də eşidilir.

Germanwings şirkətinə məxsus A320 təyyarəsi martın 24-də Barselonadan Düsseldorfa uçarkən Fransada, Alp dağlarında qəzaya uğrayıb.

Təyyarənin qəflətən sürətlə yüksəkliyi itirdiyi və qəza anınadək 8 dəqiqə düşdüyü bildirlir.

Qəza təyyarəsindəki 150 nəfərin hamısı həlak olub. Onların əksəriyyəti Almaniya və İspaniya vətəndaşlarıdır.

Günün bütün mövzuları

XS
SM
MD
LG