Fransada qәzaya uğrayan "Airbus A 320" sərnişin tәyyarәsindә azәrbaycanlı olmayıb.
Bunu APA-ya açıqlamasında Azərbaycan Xarici İşlәr Nazirliyinin sözçüsü Hikmәt Hacıyev deyib.
O bildirib ki, Almaniyanın Xarici İşlәr Nazirliyindən Azərbaycanın Almaniyadakı səfirliyinə verilən məlumata görə, qəzaya düşən təyyarədə Azәrbaycan vətəndaşı olmayıb, amma araşdırmalar davam etdirilir.
Martın 24-də “Germanwings” şirkətinə məxsus A 320 təyyarəsi Barselonadan Düsseldorfa uçarkən Fransanın cənub-şərqində, Alp dağında qəzaya uğrayıb.
Təyyarədə olan 150 nəfərin hamısının öldüyü bildirilir.