Keçid linkləri

2016, 07 Dekabr, çərşənbə, Bakı vaxtı 15:09

Təslim olan erməni əsgərin valideynləri: «Hərbi xidmətdə problemləri vardı»


Andranik Grigoryan-ın anası

Andranik Grigoryan-ın anası

-

Azərbaycan ordusuna təslim olan erməni əsgər Andranik Grigoryan-ın validenyləri də danışdı.

Andranikin anası AzadlıqRadiosunun Ermənistan xidmətinə deyib ki, oğlunun hərbi xidmətdə problemləri vardı: “Sonuncu dəfə evə gələndə ovqatı təlx idi. Niyə əhvalın xarabdır sualına isə cavab vermirdi. Hərbi hissənin komandanlığından xahiş etmişdi ki, onu başqa yerdə hərbi xidmətə keçirsinlər”.

Grigoryan martın 22-də təslim olub. Onun əlində ağ bayraq Azərbaycan mövqelərinə yaxınlaşan videogörüntüləri yayılıb. Erməni tərəfi bu videonu qurama adlandırır.

Grigoryan Azərbaycanın Xocavənd rayonunun (ermənilər ona Martuni deyir) Berdaşen kəndindəndir.

Kəndin icra nümayəndəsi mətbuata açıqlamasında Grigoryan-ı təhqir edib:

«Kənddə uşaqdan böyüyə hamı o oğlanı söyür. Onu kəndin ən əclaf adamı sayırlar. Əgər o doğrudan da belə anormal hərəkət edibsə, erməni xalqını satıbsa, türklərin tərəfinə keçibsə, mən yalnız bir şey deyə bilərəm, onun ağlı yerində deyil”.

Amma kənd sakinlərinin çoxu Andraniki necə adam kimi tanıyırsınız sualına “yaxşı, normal” cavabları veriblər.

Azərbaycan tərəfi isə erməni əsgərin könüllü təslim olduğunu bildirir.

Əsgərin öz hərəkətini əsaslandıran videosunu da nazirlik yayıb. Grigoryan orada deyir:

“Bunun çox sadə bir səbəbi var. Mən mənasız yerə ölməkdən qorxuram...

Mən onların çirkin oyunlarının növbəti qurbanı olmaq istəmirəm. Qarabağdakı dözülməz şərait, hərbi hissələrdəki intizamsızlıq, silah-sursat çatışmazlığı, qida və dərman qıtlığı, yerli ermənilərlə Ermənistanlı ermənilər arasındakı münaqişə, zabitlərin əsgər və gizirlərə pis münasibəti və hərc-mərclik məni cana yığıb”.

Günün bütün mövzuları

Şərhləri göstər

XS
SM
MD
LG