Silahlı qarətçilər Fransanın şərqində zərgərlik əşyaları aparan 2 zirehli maşını qarət ediblər.
Fransa polisinin məlumatına görə, söhbət 9 milyon avrodan gedir.
Qarətçilər Avallon şəhəri yaxınlığında yolun kənarında dayanmış maşınlara basqın ediblər.
Bu şəhər Parisin 200 kilometrliyində yerləşir.
Cinayətkarlar 4 maşın və 2 mikroavtobusla hadisə yerindən qaçıblar.
Onlar sürücülərə heç bir xəsarət yetirməyiblər.
Məlumatlara görə maşınlarda almaz və digər qiymətli daşqaşlar olub.