Keçid linkləri

2016, 08 Dekabr, Cümə axşamı, Bakı vaxtı 10:23

Türk dünyasının böyük oğlu İsmayıl Qaspralının kitabı Azərbaycan dilində


-

"Qanun" nəşriyyatı “Dildə, fikirdə, işdə birlik” ideyasının müəllifi, "Türk dünyasının böyük müəllimi" adlandırılan İsmayıl Bəy Qaspralının “Firəngistan” romanını Azərbaycan dilində nəşr edib.

Böyük fikir adamı İsmayıl bəy Qaspralının (1853-1914) trilogiya şəklində qələmə alınan “Firəngistan məktubları” romanı Krım-tatar ədəbiyyatının klassik nümunələrindən biri sayılır.

Əsas hissələri XIX əsrin sonunda qələmə alınan bu əsərdə İslam dünyasının problemləri, tarixi inkişaf yolları diqqət mərkəzinə çəkilir.

Roman realist, utopik və ictimai-siyasi çalarların zənginliyi ilə seçilir.

Müqəddimə, Krım-tatar türkcəsindən çevirmə, izahlar və şərhlər Vilayət Quliyevindir.

İsmayıl bəy Qaspralı Həsən bəy Zərdabi və Əlimərdan bəy Topçubaşovla birlikdə 19-cu əsrin sonu, 20-ci əsrin əvvəlində Rüsiya İmperiyasındakı türk xalqlarının ən böyük mütəfəkkirlərindən sayılırdı.

Bakı, 1907. (Soldan sağa) İsmayıl bəy Qaspralı, Həsən bəy Zərdabi və Əlimərdan bəy Topçubaşov

Bakı, 1907. (Soldan sağa) İsmayıl bəy Qaspralı, Həsən bəy Zərdabi və Əlimərdan bəy Topçubaşov

Günün bütün mövzuları

XS
SM
MD
LG