Martın 6-na keçən gecə Ermənistan Silahlı Qüvvələrinin kəşfiyyat-təxribat qrupu Ağdərə-Tərtər istiqamətində Azərbaycan ordusunun mövqelərinə hücum etməyə cəhd göstərib.
Amma Azərbaycan ordusunun sayıqlığı nəticəsində təxribat qrupu itki verərək geri çəkilməli olub.
Bu barədə Azərbaycan Müdafiə Nazirliyinin mətbuat xidməti məlumat yayıb.
Döyüş zamanı Azərbaycan ordusunun çavuşu Dəyanət Zahidov əlindən yüngül yaralanıb.