Rusiyanın müxalifət liderlərindən biri Aleksey Navalny 15 sutkalıq həbsdən sonra martın 6-da azadlığa çıxıb.
O tərəfdarları ilə birlikdə martın 1-nə nəzərdə tutulan “Bahar” yürüşü ilə bağlı vərəqələr yaydığına görə həbs olunmuşdu.
Navalny azadlığa çıxdıqdan sonra bildirib ki, müxalifət lideri Boris Nemtsovun qətli müxalifətin fəaliyyətini dəyişməyəcək.
Nemtsov fevralın 27-də Kremlin yaxınlığında öldürülüb.
Navalny öz bloqunda yazmışdı ki, Nemtsov siyasi hakimiyyətin göstərişi ilə hökumətpərəst təşkilat tərəfindən qətlə yetirilib, cünki o Kremlin ən problemli tənqidçilərindən biri idi.
Hakimiyyət isə bu cür ittihamları rədd edir.