-
Gəncə şəhərində yerləşən N saylı hərbi hissənin 25 yaşlı əsgəri vəfat edib.
Müdafiə Nazirliyi bildirir ki, bu il yanvarın 7-də Qusar rayonundan hərbi xidmətə çağırılmış əsgər Vicay Pərvanayev martın 2-də ölüb.
«İlkin araşdırmalara görə, onun ölümünə kəskin ürək və tənəffüs çatışmazlığı səbəb olub», - məlumatda deyilir.
Nazirlik bildirir ki, hazırda məhkəmə-tibb ekspertizası araşdırma aparır, hərbi prokurorluq isə fakt üzrə cinayət işi başlayıb.
Müdafiə Nazirliyinin rəhbərliyi hərbi qulluqçunun yaxınlarına və əzizlərinə dərin hüznlə başsağlığı verir və səbir diləyir.